kis liye is se nikalne ki duaaein maangun — Azlan Shah

kamaan na tiir na talvaar apni hoti hai
magar ye duniyaa ki har baar apni hoti hai

na haath suukh ke jhaDte hain jism se apne
na shaakh koi samar-baar apni hoti hai

tavil umr ki Dheron duaaein bheji hain
mire charaagh ko paani se bharne vaalon ne

haar ko jiit ke imkaan se baandhe hue rakh
apni mushkil kisi aasaan se baandhe hue rakh

mujh ko pahchaan tu ai vaqt main vo huun jo faqat
ek ghalati ke liye arsh-e-barin se niklaa

haare hue logon ki kahaani ki tarah hain
ham log bhi bahte hue paani ki tarah hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa