muflisi ne jaa-ba-jaa luuTaa hamein — Babar Rehman Shah

kisi ke jaal mein aa kar main apnaa dil ganvaa baiThaa
mujhe thaa ishq qaatil se main apnaa sar kaTaa baiThaa

ai pari-zaad tere jaane par
ho gayaa khud se raabta meraa

thakan se chuur hai saaraa vajud ab meraa
main bojh itne ghamon kaa to Dho nahin saktaa

aatish-e-ishq jab jalaati hai
jal ke main nosh-e-jaam kartaa huun

dil ne ham se ajab hi kaam liyaa
ham ko bechaa magar na daam liyaa

dil se aakhir charaagh-e-vasl bujhaa
kyaa tamannaa ne intiqaam liyaa