dil ne ham se ajab hi kaam liyaa — Babar Rehman Shah

kisi ke jaal mein aa kar main apnaa dil ganvaa baiThaa
mujhe thaa ishq qaatil se main apnaa sar kaTaa baiThaa

ai pari-zaad tere jaane par
ho gayaa khud se raabta meraa

thakan se chuur hai saaraa vajud ab meraa
main bojh itne ghamon kaa to Dho nahin saktaa

aatish-e-ishq jab jalaati hai
jal ke main nosh-e-jaam kartaa huun

muflisi ne jaa-ba-jaa luuTaa hamein
ab bachaa kuchh bhi nahin luTvaaein kyaa

dil se aakhir charaagh-e-vasl bujhaa
kyaa tamannaa ne intiqaam liyaa

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

vasl us kaa khudaa nasib kare
'mir' dil chaahtaa hai kyaa kyaa kuchh

maasum nazar kaa bholaa-pan lalchaa ke lubhaanaa kyaa jaane
dil aap nishaana bantaa hai vo tiir chalaanaa kyaa jaane

ye dil kaa dard to umron kaa rog hai pyaare
so jaae bhi to pahr do pahr ko jaataa hai

sab ke dil mein hai jagah teri jo tu raazi huaa
mujh pe goyaa ik zamaana mehrbaan ho jaaegaa