ik khauf saa darakhton pe taari thaa raat-bhar — Fuzail Jafri

aaThon pahr lahu mein nahaayaa kare koi
yuun bhi na apne dard ko dariyaa kare koi

— Fuzail Jafri

zahr miThaa ho to piine mein mazaa aataa hai
baat sach kahiye magar yuun ki haqiqat na lage

— Fuzail Jafri

dasht-e-tanhaai mein jiine kaa saliqa sikhiye
ye shikasta baam-o-dar bhi ham-safar ho jaaeinge

— Fuzail Jafri

bose biivi ke hansi bachchon ki aankhein maan ki
qaid-khaane mein giraftaar samajhiye ham ko

— Fuzail Jafri

koi manzil aakhiri manzil nahin hoti 'fuzail'
zindagi bhi hai misaal-e-mauj-e-dariyaa raah-rau

— Fuzail Jafri

ghar se baahar nahin niklaa jaataa
raushni yaad dilaati hai tiri

— Fuzail Jafri

jhaankte raat ke garebaan se
ham ne sau aaftaab dekhe hain

— Salman Akhtar

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

shor din ko nahin sone detaa
shab ko sannaaTaa jagaa detaa hai

— Saifuddin Saif

kab tak paDe rahoge havaaon ke haath mein
kab tak chalegaa khokhle shabdon kaa kaarobaar

— Adil Mansuri

kal yahi bachche samundar ko muqaabil paaeinge
aaj tairaate hain jo kaaghaz ki nannhi kashtiyaan

— Hasan Akbar Kamal

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

— Irfan Sattar