kal yahi bachche samundar ko muqaabil paaeinge — Hasan Akbar Kamal

gae dinon mein ronaa bhi to kitnaa sachchaa thaa
dil halkaa ho jaataa thaa jab ashk bahaane se

baDon ne us ko chhin liyaa hai bachchon se
khabar nahin ab kyaa ho haal khilaune kaa

banaae jaataa thaa main apne haath ko kashkol
so meri ruuh mein khanjar utartaa jaataa thaa

na TuuTe aur kuchh din tujh se rishta is tarah meraa
mujhe barbaad kar de tu magar aahista aahista

diye bujhaati rahi dil bujhaa sake to bujhaae
havaa ke saamne ye imtihaan rakhnaa hai

vafaa parchhaain ki andhi parastish
mohabbat naam hai mahrumiyon kaa

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

zamin yakh-basta ho jaati hai jab jaaDon ki raaton mein
main apne dil ko sulgaataa huun angaare banaataa huun

qissa chheDaa mehr o vafaa kaa avval-e-shab un aaankhon ne
raat kaTi aur umr guzaari phir bhi baat adhuri thi