ab main hudud-e-hosh-o-khirad se guzar gayaa — Ganesh Bihari Tarz

ye mahal ye maal o daulat sab yahin rah jaaeinge
haath aaegi faqat do gaz zamin marne ke baad

— Ganesh Bihari Tarz

ai gardisho tumhein zaraa taakhir ho gai
ab meraa intizaar karo main nashe mein huun

— Ganesh Bihari Tarz

ahl-e-dil ke vaaste paighaam ho kar rah gai
zindagi majburiyon kaa naam ho kar rah gai

— Ganesh Bihari Tarz

'daagh' ke sher javaani mein bhale lagte hain
'mir' ki koi ghazal gaao ki kuchh chain paDe

— Ganesh Bihari Tarz

bazm-e-yaaraan hai ye saaqi mai nahin to gham na kar
kitne hain jo mai-kada bar-dosh hain yaaron ke biich

— Ganesh Bihari Tarz

arz-e-dakan mein jaan to dilli mein dil bani
aur shahr-e-lucknow mein hinaa ban gai ghazal

— Ganesh Bihari Tarz

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

husn jalva dikhaa gayaa apnaa
ishq baiThaa rahaa udaas kahin

— Saifuddin Saif