arz-e-dakan mein jaan to dilli mein dil bani — Ganesh Bihari Tarz

ye mahal ye maal o daulat sab yahin rah jaaeinge
haath aaegi faqat do gaz zamin marne ke baad

ai gardisho tumhein zaraa taakhir ho gai
ab meraa intizaar karo main nashe mein huun

ahl-e-dil ke vaaste paighaam ho kar rah gai
zindagi majburiyon kaa naam ho kar rah gai

'daagh' ke sher javaani mein bhale lagte hain
'mir' ki koi ghazal gaao ki kuchh chain paDe

ab main hudud-e-hosh-o-khirad se guzar gayaa
Thukraao chaahe pyaar karo main nashe mein huun

bazm-e-yaaraan hai ye saaqi mai nahin to gham na kar
kitne hain jo mai-kada bar-dosh hain yaaron ke biich

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

kis ne dekhe hain tiri ruuh ke riste hue zakhm
kaun utraa hai tire qalb ki gahraai mein

dil kai roz se dhaDaktaa hai
hai kisi haadse ki tayyaari

log achchhe hain bahut dil mein utar jaate hain
ik buraai hai to bas ye hai ki mar jaate hain