daftar mein zehn ghar pe nigah raaste mein paanv — Ghazanfar

kal tak jo shaffaaf the chehre aavaazon se khaali the
aaDi-tirchhi surkh lakirein un par bhi ab dekhoge

hamaare haath se vo bhi nikal gayaa aakhir
ki jis khayaal mein ham muddaton se khoe the

rafta rafta aankhon ko hairaani de kar jaaegaa
khvaabon kaa ye shauq hamein viraani de kar jaaegaa

har ek raat kahin duur bhaag jaataa huun
har ek subh koi mujh ko khinch laataa hai

na jaane kis tarah bistar mein ghus kar baiTh jaati hain
vo aavaazein jinhein ham roz baahar chhoD aate hain

bach ke duniyaa se ghar chale aae
ghar se bachne magar kidhar jaaein