rafta rafta aankhon ko hairaani de kar jaaegaa — Ghazanfar

kal tak jo shaffaaf the chehre aavaazon se khaali the
aaDi-tirchhi surkh lakirein un par bhi ab dekhoge

hamaare haath se vo bhi nikal gayaa aakhir
ki jis khayaal mein ham muddaton se khoe the

daftar mein zehn ghar pe nigah raaste mein paanv
jiine ki kaavishon mein badan haath se gayaa

har ek raat kahin duur bhaag jaataa huun
har ek subh koi mujh ko khinch laataa hai

na jaane kis tarah bistar mein ghus kar baiTh jaati hain
vo aavaazein jinhein ham roz baahar chhoD aate hain

bach ke duniyaa se ghar chale aae
ghar se bachne magar kidhar jaaein

mere khvaabon ke jharokon ko sajaate rahiye
na sahi vasl magar yaad to aate rahiye

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

par katar paai jab na khvaabon ke
band hi kar diin khiDkiyaan main ne

ye san kar meri nindein uD gai hain
koi meraa bhi sapnaa dekhtaa hai