subh savere nange paanv ghaas pe chalnaa aisaa hai — Hammad Niyazi

kachchi qabron par saji khushbu ki bikhri laash par
khaamushi ne ik nae andaaz mein taqrir ki

— Hammad Niyazi

haar diyaa hai ujlat mein
khud ko kis aasaani se

— Hammad Niyazi

main apne baap ke siine se phuul chuntaa huun
so jab bhi saans thami baagh mein Tahal aayaa

— Hammad Niyazi

dikhaai dene lagi thi khushbu
main phuul aankhon pe mal rahaa thaa

— Hammad Niyazi

vo peD jis ki chhaanv mein kaTi thi umr gaanv mein
main chuum chuum thak gayaa magar ye dil bharaa nahin

— Hammad Niyazi

bas ek lamha tire vasl kaa mayassar ho
aur us visaal ke lamhe ko daaimi kiyaa jaae

— Hammad Niyazi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid