ye bad-nasibi nahin hai to aur phir kyaa hai — Haseeb Soz

tu ek saal mein ik saans bhi na ji paayaa
main ek sajde mein sadiyaan kai guzaar gayaa

— Haseeb Soz

yahaan mazbut se mazbut lohaa TuuT jaataa hai
kai jhuTe ikaTThe hon to sachchaa TuuT jaataa hai

— Haseeb Soz

meri sanjida tabiat pe bhi shak hai sab ko
baaz logon ne to bimaar samajh rakkhaa hai

— Haseeb Soz

ye intiqaam hai yaa ehtijaaj hai kyaa hai
ye log dhuup mein kyuun hain shajar ke hote hue

— Haseeb Soz

vo ek raat ki gardish mein itnaa haar gayaa
libaas pahne rahaa aur badan utaar gayaa

— Haseeb Soz

tere mehmaan ke svaagat kaa koi phuul the ham
jo bhi niklaa hamein pairon se kuchal kar niklaa

— Haseeb Soz

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey