meri sanjida tabiat pe bhi shak hai sab ko — Haseeb Soz

tu ek saal mein ik saans bhi na ji paayaa
main ek sajde mein sadiyaan kai guzaar gayaa

ye bad-nasibi nahin hai to aur phir kyaa hai
safar akele kiyaa ham-safar ke hote hue

yahaan mazbut se mazbut lohaa TuuT jaataa hai
kai jhuTe ikaTThe hon to sachchaa TuuT jaataa hai

ye intiqaam hai yaa ehtijaaj hai kyaa hai
ye log dhuup mein kyuun hain shajar ke hote hue

vo ek raat ki gardish mein itnaa haar gayaa
libaas pahne rahaa aur badan utaar gayaa

tere mehmaan ke svaagat kaa koi phuul the ham
jo bhi niklaa hamein pairon se kuchal kar niklaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

aasmaan jhaank rahaa hai 'khaalid'
chaand kamre mein mire utraa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe