'maajid' khudaa ke vaaste kuchh der ke liye — Hussain Majid

kahne ki to baat nahin hai lekin kahni paDti hai
dil ki nagri mein mat jaanaa jo jaae pachhtaae

logon ne aakaash se unchaa jaa kar tamghe paae
ham ne apnaa antar khojaa divaane kahlaae

kal jo main ne jhaank ke dekhaa us ki niili aankhon mein
us ke dil kaa zakhm to 'maajid' saagar se bhi gahraa hai

us kaa chehraa udaas hai 'maajid'
aaine par nazar gai hogi

naaz kar naaz tire naaz pe hai naaz mujhe
meri tanhaai hai partav tiri yaktaai kaa

yaar tanhaa ghar mein hai afsos lekin ham nahin
huur to hai gulshan-e-firdaus mein aadam nahin

khalq be-parvaa khudaa bandon se tang aayaa huaa
main akelaa phir rahaa huun hashr ke maidaan mein

ek lamhe ke liye tanhaa nahin hone diyaa
khud ko apne saath rakkhaa jis jahaan ki sair ki

mujhe ai rahnumaa ab chhoD tanhaa
main khud ko aazmaanaa chaahtaa huun

raat bhar tanhaa rahaa din bhar akelaa main hi thaa
shahr ki aabaadiyon mein apne jaisaa main hi thaa