vo raatein chaand ke saath gaiin vo baatein chaand ke saath gaiin — Ibn۔E۔Insha

diida o dil ne dard ki apne baat bhi ki to kis se ki
vo to dard kaa baani Thahraa vo kyaa dard baTaaegaa

sun to liyaa kisi naar ki khaatir kaaTaa koh nikaali nahr
ek zaraa se qisse ko ab dete kyuun ho tuul miyaan

ham kisi dar pe na ThiTke na kahin dastak di
saikDon dar the miri jaan tire dar se pahle

kab lauTaa hai bahtaa paani bichhDaa saajan ruThaa dost
ham ne us ko apnaa jaanaa jab tak haath mein daamaan thaa

'inshaa'-ji uTho ab kuuch karo is shahr mein ji ko lagaanaa kyaa
vahshi ko sukun se kyaa matlab jogi kaa nagar mein Thikaanaa kyaa

haq achchhaa par us ke liye koi aur mare to aur achchhaa
tum bhi koi mansur ho jo suuli pe chaDho khaamosh raho

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

kahtaa hai aaftaab zaraa dekhnaa ki ham
Duube the gahri raat mein kaale hue nahin

aaj aankhon mein koi raat gae aaegaa
aaj ki raat ye darvaaza khulaa rahne de