kab lauTaa hai bahtaa paani bichhDaa saajan ruThaa dost — Ibn۔E۔Insha

diida o dil ne dard ki apne baat bhi ki to kis se ki
vo to dard kaa baani Thahraa vo kyaa dard baTaaegaa

sun to liyaa kisi naar ki khaatir kaaTaa koh nikaali nahr
ek zaraa se qisse ko ab dete kyuun ho tuul miyaan

ham kisi dar pe na ThiTke na kahin dastak di
saikDon dar the miri jaan tire dar se pahle

vo raatein chaand ke saath gaiin vo baatein chaand ke saath gaiin
ab sukh ke sapne kyaa dekhein jab dukh kaa suraj sar par ho

'inshaa'-ji uTho ab kuuch karo is shahr mein ji ko lagaanaa kyaa
vahshi ko sukun se kyaa matlab jogi kaa nagar mein Thikaanaa kyaa

haq achchhaa par us ke liye koi aur mare to aur achchhaa
tum bhi koi mansur ho jo suuli pe chaDho khaamosh raho

jab ki pahlu se yaar uThtaa hai
dard be-ikhtiyaar uThtaa hai

ye vaqt kaifiyaat se bhartaa nahin kabhi
ye jaam ikhtiyaar nahin kar rahaa huun main

zindagi sundar ghazal hai dosto
zindagi ko gungunaanaa chaahiye

saadgi o purkaari be-khudi o hushyaari
husn ko taghaaful mein jurat-aazmaa paayaa

main ab har shakhs se uktaa chukaa huun
faqat kuchh dost hain aur dost bhi kyaa

vo habib ho ki rahbar vo raqib ho ki rahzan
jo dayaar-e-dil se guzre use ham-kalaam kar lo