yuun to patthar bahut se dekhe hain — Ibn

dil mein sajde kiyaa karo 'mufti'
is mein parvardigaar rahtaa hai

ab to kar Daaliye vafaa us ko
vo jo vaada udhaar rahtaa hai

kaisaa jaadu hai samajh aataa nahin
niind meri khvaab saare aap ke

ik zaraa si baat pe ye munh banaanaa ruThnaa
is tarah to koi apnon se khafaa hotaa nahin

jin pe naazaan the ye zamin o falak
ab kahaan hain vo suratein baaqi

tere khvaabon ki lat lagi jab se
raat kaa intizaar rahtaa hai