tere khvaabon ki lat lagi jab se — Ibn

yuun to patthar bahut se dekhe hain
koi tum saa nazar nahin aayaa

ab to kar Daaliye vafaa us ko
vo jo vaada udhaar rahtaa hai

kaisaa jaadu hai samajh aataa nahin
niind meri khvaab saare aap ke

ik zaraa si baat pe ye munh banaanaa ruThnaa
is tarah to koi apnon se khafaa hotaa nahin

jin pe naazaan the ye zamin o falak
ab kahaan hain vo suratein baaqi

dil mein sajde kiyaa karo 'mufti'
is mein parvardigaar rahtaa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

ek patthar ki dast-e-yaar mein hai
phuul banne ke intizaar mein hai

kabhi ai haqiqat-e-muntazar nazar aa libaas-e-majaaz mein
ki hazaaron sajde taDap rahe hain miri jabin-e-niyaaz mein

rishton kaa e'tibaar vafaaon kaa intizaar
ham bhi charaagh le ke havaaon mein aae hain

saraa-e-ishq mein baiThe hue hain dil vaale
aur ek aakhiri tohmat ke intizaar mein hain