dil mein sajde kiyaa karo 'mufti' — Ibn

yuun to patthar bahut se dekhe hain
koi tum saa nazar nahin aayaa

ab to kar Daaliye vafaa us ko
vo jo vaada udhaar rahtaa hai

kaisaa jaadu hai samajh aataa nahin
niind meri khvaab saare aap ke

ik zaraa si baat pe ye munh banaanaa ruThnaa
is tarah to koi apnon se khafaa hotaa nahin

jin pe naazaan the ye zamin o falak
ab kahaan hain vo suratein baaqi

tere khvaabon ki lat lagi jab se
raat kaa intizaar rahtaa hai

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

teri jaanib aa rahaa huun ruuh ki taskin ko main
hasratein dil ki main duniyaa mein nikaal aayaa bahut

ham bahar haal dil o jaan se tumhaare hote
tum bhi ik-aadh ghaDi kaash hamaare hote

vo jo tark-e-rabt kaa ahd thaa kahin TuTne to nahin lagaa
tire dil ke dard ko dekh kar mire dil mein dard hai kis liye

ab imtiyaaz-e-zaahir-o-baatin bhi miT gayaa
dil chaak ho rahaa hai garebaan ke saath saath