ab to kar Daaliye vafaa us ko — Ibn

dil mein sajde kiyaa karo 'mufti'
is mein parvardigaar rahtaa hai

yuun to patthar bahut se dekhe hain
koi tum saa nazar nahin aayaa

kaisaa jaadu hai samajh aataa nahin
niind meri khvaab saare aap ke

ik zaraa si baat pe ye munh banaanaa ruThnaa
is tarah to koi apnon se khafaa hotaa nahin

jin pe naazaan the ye zamin o falak
ab kahaan hain vo suratein baaqi

tere khvaabon ki lat lagi jab se
raat kaa intizaar rahtaa hai

tu jafaaon se jo badnaam kiye jaataa hai
yaad aaegi tujhe meri vafaa mere baad

phir usi bevafaa pe marte hain
phir vahi zindagi hamaari hai

maujud mere dil mein jo zakhmon ke daagh hain
vo ek bevafaa ke sitam ke charaagh hain

ik sham-e-aarzu ki haqiqat hi kyaa magar
tufaan mein ham charaagh jalaae hue to hain

bikharte jism le kar tund tufaanon mein baiThe hain
koi zarre ki surat hai koi Tiile ki surat hai

tufaan-e-gham ki tund havaaon ke baavajud
ik sham-e-aarzu hai jo ab tak bujhi nahin