jin pe naazaan the ye zamin o falak — Ibn

dil mein sajde kiyaa karo 'mufti'
is mein parvardigaar rahtaa hai

yuun to patthar bahut se dekhe hain
koi tum saa nazar nahin aayaa

ab to kar Daaliye vafaa us ko
vo jo vaada udhaar rahtaa hai

kaisaa jaadu hai samajh aataa nahin
niind meri khvaab saare aap ke

ik zaraa si baat pe ye munh banaanaa ruThnaa
is tarah to koi apnon se khafaa hotaa nahin

tere khvaabon ki lat lagi jab se
raat kaa intizaar rahtaa hai

har samt falak-bos pahaaDon ki qataarein
'khusrav' hai na 'shirin' hai na tesha hai na farhaad

miri uDaan agar mujh ko niche aane de
to aasmaan ki gahraai mein utar jaaun

koi zamin hai to koi aasmaan hai
har shakhs apni zaat mein ik daastaan hai

nazar mili to nazaaron mein baanT di main ne
ye raushni bhi sitaaron mein baanT di main ne

ye aarzu ke sitaare ye intizaar ke phuul
chamak rahi hain khataaein mahak rahe hain gunaah

us ki palkon pe jo chamkaa thaa sitaara koi
dekhte dekhte mahtaab huaa jaataa hai