kahaaniyon ne miri aadatein bigaaDi thiin — Idris Babar

pachaas miil hai khushki se bahriya-town
bas ek ghanTe mein achchhaa zamaana aataa hai

dil ki ik ek kharaabi kaa sabab jaante hain
phir bhi mumkin hai ki ham tum se muravvat kar jaaein

reg-e-dil mein kai naadida parinde bhi hain dafn
sochte honge ki dariyaa ki ziyaarat kar jaaein

haan ai ghubaar-e-aashnaa main bhi thaa ham-safar tiraa
pi gaiin manzilein tujhe khaa gae raaste mujhe

koi bhi dil mein zaraa jam ke khaak uDaataa to
hazaar gauhar-e-naayaab dekh saktaa thaa

ik khauf-zada saa shakhs ghar tak
pahunchaa kai raaston mein baT kar