dil ki ik ek kharaabi kaa sabab jaante hain — Idris Babar

pachaas miil hai khushki se bahriya-town
bas ek ghanTe mein achchhaa zamaana aataa hai

kahaaniyon ne miri aadatein bigaaDi thiin
main sirf sach ko zafar-yaab dekh saktaa thaa

reg-e-dil mein kai naadida parinde bhi hain dafn
sochte honge ki dariyaa ki ziyaarat kar jaaein

haan ai ghubaar-e-aashnaa main bhi thaa ham-safar tiraa
pi gaiin manzilein tujhe khaa gae raaste mujhe

koi bhi dil mein zaraa jam ke khaak uDaataa to
hazaar gauhar-e-naayaab dekh saktaa thaa

ik khauf-zada saa shakhs ghar tak
pahunchaa kai raaston mein baT kar

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ik manzar mein ik dhundle se aks mein chhup ke ro lein
ham kis khvaab mein aankhein mundein kis mein aankhein kholein

puuraa kareinge holi mein kyaa vaada-e-visaal
jin ko abhi basant ki ai dil khabar nahin

ret hai suraj hai vusat hai tanhaai
lekin naan is dil ki khaam-khayaali jaae

rah gai zindagi dard ban ke
dard dil mein chhupaae chhupaae