ik khauf-zada saa shakhs ghar tak — Idris Babar

kahaaniyon ne miri aadatein bigaaDi thiin
main sirf sach ko zafar-yaab dekh saktaa thaa

dil ki ik ek kharaabi kaa sabab jaante hain
phir bhi mumkin hai ki ham tum se muravvat kar jaaein

reg-e-dil mein kai naadida parinde bhi hain dafn
sochte honge ki dariyaa ki ziyaarat kar jaaein

haan ai ghubaar-e-aashnaa main bhi thaa ham-safar tiraa
pi gaiin manzilein tujhe khaa gae raaste mujhe

koi bhi dil mein zaraa jam ke khaak uDaataa to
hazaar gauhar-e-naayaab dekh saktaa thaa

pachaas miil hai khushki se bahriya-town
bas ek ghanTe mein achchhaa zamaana aataa hai

apni khu-e-vafaa se Dartaa huun
aashiqi bandagi na ho jaae

dahshat-zada zamin par vahshat bhare makaan ye
is shahr-e-be-amaan kaa aakhir koi khudaa hai

sher se shaairi se Darte hain
kam-nazar raushni se Darte hain

suune suune se darichon se udaasi jhaanke
kyaa ajab khauf hai chehre bhi kisi dar mein nahin

na khauf-e-aah buton ko na Dar hai naalon kaa
baDaa kaleja hai in dil dukhaane vaalon kaa

Dar hai kahin main dasht ki jaanib nikal na jaaun
baiThaa huun apne paanv mein zanjir Daal kar