khudaa jaane girebaan kis ke hain aur haath kis ke hain — Iqbal Naved

khvaahishon ke peD se girte hue patte na chun
zindagi ke sehn mein ummid kaa paudaa lagaa

— Iqbal Naved

raat bhar koi na darvaaza khulaa
dastakein deti rahi paagal havaa

— Iqbal Naved

pheink de baahar ki jaanib apne andar ki ghuTan
apni aankhon ko lagaa de ghar ki har khiDki ke saath

— Iqbal Naved

miri khvaahish hai duniyaa ko bhi apne saath le aauun
bulandi ki taraf lekin kabhi pasti nahin jaati

— Iqbal Naved

ab itni zor se har ghar pe dastakein denaa
agar javaab na aae to dar nikal jaae

— Iqbal Naved

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

— Arshad Jamal Sarim