raat bhar koi na darvaaza khulaa — Iqbal Naved

khudaa jaane girebaan kis ke hain aur haath kis ke hain
andhere mein kisi ki shakl pahchaani nahin jaati

khvaahishon ke peD se girte hue patte na chun
zindagi ke sehn mein ummid kaa paudaa lagaa

pheink de baahar ki jaanib apne andar ki ghuTan
apni aankhon ko lagaa de ghar ki har khiDki ke saath

miri khvaahish hai duniyaa ko bhi apne saath le aauun
bulandi ki taraf lekin kabhi pasti nahin jaati

ab itni zor se har ghar pe dastakein denaa
agar javaab na aae to dar nikal jaae

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

kahun ai zauq kyaa haal-e-shab-e-hijr
ki thi ik ik ghaDi sau sau mahine

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

andheri shab kaa ye khvaab-manzar mujhe ujaalon se bhar rahaa hai
to raat itni tavil kar de ki taa-qayaamat sahar na aae

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa