jahaan hai sher charaagh-e-junun jalaae hue — Izhaar Malihabadi

hazaar jaam chhalakte hue nafas-ba-nafas
hazaar baagh mahakte hue qadam-ba-qadam

harim-e-dil mein jab aataa hai naaz farmaataa
tarab ke phuul khilaataa hai ye musavvir-e-gham

khumaar-e-dida-e-anjum sharaab-e-lail-o-nahaar
hikaayat-e-na-shunida nigaar-e-naa-mahram

khurush-e-sarsar-o-tufaan jamud-e-dasht-o-saraab
surud-e-fasl-e-bahaaraan khiraam-e-gardish-e-yam

subu-e-falsafa-e-ishq-o-kahkashaan-e-hayaat
shuaa-e-qahr-e-tabassum charaagh-e-dida-e-nam

na puchh sher hai kyaa chiiz mujh se ai hamdam
mizaaj-e-aatish-e-sozaan lataafat-e-shabnam