hazaar jaam chhalakte hue nafas-ba-nafas — Izhaar Malihabadi

jahaan hai sher charaagh-e-junun jalaae hue
vahaan khaDi hai khirad apnaa sar jhukaae hue

harim-e-dil mein jab aataa hai naaz farmaataa
tarab ke phuul khilaataa hai ye musavvir-e-gham

khumaar-e-dida-e-anjum sharaab-e-lail-o-nahaar
hikaayat-e-na-shunida nigaar-e-naa-mahram

khurush-e-sarsar-o-tufaan jamud-e-dasht-o-saraab
surud-e-fasl-e-bahaaraan khiraam-e-gardish-e-yam

subu-e-falsafa-e-ishq-o-kahkashaan-e-hayaat
shuaa-e-qahr-e-tabassum charaagh-e-dida-e-nam

na puchh sher hai kyaa chiiz mujh se ai hamdam
mizaaj-e-aatish-e-sozaan lataafat-e-shabnam

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

khudaa ke saamne jo sar yaqin ke saath jhuk jaae
kisi taaqat ke aage phir kabhi vo kham nahin hotaa

nasim-e-subh yuun le kar tiraa paighaam aati hai
pari jaise koi haathon mein le kar jaam aati hai

qadam yuun be-khatar ho kar na mai-khaane mein rakh denaa
bahut mushkil hai jaan o dil ko nazraane mein rakh denaa

aaj bhi zakhm hi khilte hain sar-e-shaakh-e-nihaal
nakhl-e-khvaahish pe vahi be-samari rahnaa thi