Izhaar Malihabadi

subu-e-falsafa-e-ishq-o-kahkashan-e-hayat
shua-e-qahr-e-tabassum charagh-e-dida-e-nam

zaban se sher ki tarif ho nahin sakti
ki ek zarre se ab tak hai aql na-mahram

khurush-e-sarsar-o-tufan jamud-e-dasht-o-sarab
surud-e-fasl-e-baharan khiram-e-gardish-e-yam

na puchh sher hai kya chiiz mujh se ai hamdam
mizaj-e-atish-e-sozan latafat-e-shabnam

hazar jaam chhalakte hue nafas-ba-nafas
hazar baagh mahakte hue qadam-ba-qadam

jilau men hazrat-e-jibril sar jhuka.e hue
buland arsh ke taron se azmat-e-adam

hazaar jaam chhalakte hue nafas-ba-nafas
hazaar baagh mahakte hue qadam-ba-qadam

jahaan hai sher charaagh-e-junun jalaae hue
vahaan khaDi hai khirad apnaa sar jhukaae hue

harim-e-dil mein jab aataa hai naaz farmaataa
tarab ke phuul khilaataa hai ye musavvir-e-gham

khumaar-e-dida-e-anjum sharaab-e-lail-o-nahaar
hikaayat-e-na-shunida nigaar-e-naa-mahram

khurush-e-sarsar-o-tufaan jamud-e-dasht-o-saraab
surud-e-fasl-e-bahaaraan khiraam-e-gardish-e-yam

subu-e-falsafa-e-ishq-o-kahkashaan-e-hayaat
shuaa-e-qahr-e-tabassum charaagh-e-dida-e-nam