subu-e-falsafa-e-ishq-o-kahkashaan-e-hayaat — Izhaar Malihabadi

hazaar jaam chhalakte hue nafas-ba-nafas
hazaar baagh mahakte hue qadam-ba-qadam

jahaan hai sher charaagh-e-junun jalaae hue
vahaan khaDi hai khirad apnaa sar jhukaae hue

harim-e-dil mein jab aataa hai naaz farmaataa
tarab ke phuul khilaataa hai ye musavvir-e-gham

khumaar-e-dida-e-anjum sharaab-e-lail-o-nahaar
hikaayat-e-na-shunida nigaar-e-naa-mahram

khurush-e-sarsar-o-tufaan jamud-e-dasht-o-saraab
surud-e-fasl-e-bahaaraan khiraam-e-gardish-e-yam

na puchh sher hai kyaa chiiz mujh se ai hamdam
mizaaj-e-aatish-e-sozaan lataafat-e-shabnam

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

charchaa hamaaraa ishq ne kyuun jaa-ba-jaa kiyaa
dil us ko de diyaa to bhalaa kyaa buraa kiyaa