kaisi kashish hai ishq ke TuuTe mazaar mein — Jitendra Mohan Sinha Rahbar

dozakh se bhi kharaab kahun main bahisht ko
do-chaar agar vahaan pe bhi sarmaaya-daar hon

— Jitendra Mohan Sinha Rahbar

ek aansu bhi agar ro de to jaanun tujh ko
meri taqdir mujhe dekh kar hansti kyaa hai

— Jitendra Mohan Sinha Rahbar

rashk-e-jinaan chaman ko banaanaa basant kaa
har har kali mein rang dikhaanaa basant kaa

— Jitendra Mohan Sinha Rahbar

har samt sabza-zaar bichhaanaa basant kaa
phulon mein rang-o-bu ko luTaanaa basant kaa

— Jitendra Mohan Sinha Rahbar

tu ne hi rah na dikhaai to dikhaaegaa kaun
ham tiri raah mein gumraah hue baiThe hain

— Jitendra Mohan Sinha Rahbar

qudrat ki barkatein hain khazaana basant kaa
kyaa khuub kyaa ajiib zamaana basant kaa

— Jitendra Mohan Sinha Rahbar

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

sau fasaad ek ishq mein uTThe
boyaa ik tukhm uge hazaar darakht

— Imdad Ali Bahr