tere na ho sake to kisi ke na ho sake — Khalilur Rahman Azmi

teri gali se chhuT ke na jaa-e-amaan mili
ab ke to meraa ghar bhi miraa ghar na ho sakaa

jaane kyuun ik khayaal saa aayaa
main na hungaa to kyaa kami hogi

tiri vafaa mein mili aarzu-e-maut mujhe
jo maut mil gai hoti to koi baat bhi thi

azal se thaa vo hamaare vajud kaa hissa
vo ek shakhs ki jo ham pe mehrbaan huaa

aaj Duubaa huaa khushbu mein hai pairaahan-e-jaan
ai sabaa kis ne ye puchhaa hai tiraa naam-o-nishaan

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai