aaj Duubaa huaa khushbu mein hai pairaahan-e-jaan — Khalilur Rahman Azmi

teri gali se chhuT ke na jaa-e-amaan mili
ab ke to meraa ghar bhi miraa ghar na ho sakaa

jaane kyuun ik khayaal saa aayaa
main na hungaa to kyaa kami hogi

tiri vafaa mein mili aarzu-e-maut mujhe
jo maut mil gai hoti to koi baat bhi thi

azal se thaa vo hamaare vajud kaa hissa
vo ek shakhs ki jo ham pe mehrbaan huaa

tere na ho sake to kisi ke na ho sake
ye kaarobaar-e-shauq mukarrar na ho sakaa

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

duniyaa se duur apne baraabar khaDe rahe
khvaabon mein jaagte the magar raat ho gai

shaam paDe so jaane vaalaa! diip bujhaa kar yaadon ke
raat gae tak jaag rahaa thaa pahli pahli baarish mein

ek dariche se do aankhein roz sadaaein deti hain
raat gae ghar lauTne vaalo shaad raho aabaad raho