azal se thaa vo hamaare vajud kaa hissa — Khalilur Rahman Azmi

teri gali se chhuT ke na jaa-e-amaan mili
ab ke to meraa ghar bhi miraa ghar na ho sakaa

jaane kyuun ik khayaal saa aayaa
main na hungaa to kyaa kami hogi

tiri vafaa mein mili aarzu-e-maut mujhe
jo maut mil gai hoti to koi baat bhi thi

tere na ho sake to kisi ke na ho sake
ye kaarobaar-e-shauq mukarrar na ho sakaa

aaj Duubaa huaa khushbu mein hai pairaahan-e-jaan
ai sabaa kis ne ye puchhaa hai tiraa naam-o-nishaan

tamaam yaadein mahak rahi hain har ek ghuncha khilaa huaa hai
zamaana biitaa magar gumaan hai ki aaj hi vo judaa huaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi