ek jangal jis mein insaan ko darindon se hai khauf — Mahmood Shaam

ye aur baat ki chaahat ke zakhm gahre hain
tujhe bhulaane ki koshish to varna ki hai bahut

— Mahmood Shaam

us ko dekhaa to ye mahsus huaa
ham bahut duur the khud se pahle

— Mahmood Shaam

bas ek apne hi qadmon ki chaap suntaa huun
main kaun huun ki bhare shahr mein bhi tanhaa huun

— Mahmood Shaam

kitne chehre kitni shaklein phir bhi tanhaai vahi
kaun le aayaa mujhe in aainon ke darmiyaan

— Mahmood Shaam

aune-paune ghazlein bechin nazmon kaa bevpaar kiyaa
dekho ham ne peT ki khaatir kyaa kyaa kaarobaar kiyaa

— Mahmood Shaam

chaandni shab tu jis ko DhunDne aai hai
ye kamra vo shakhs to kab kaa chhoD gayaa

— Mahmood Shaam

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal