ye aur baat ki chaahat ke zakhm gahre hain — Mahmood Shaam

us ko dekhaa to ye mahsus huaa
ham bahut duur the khud se pahle

bas ek apne hi qadmon ki chaap suntaa huun
main kaun huun ki bhare shahr mein bhi tanhaa huun

kitne chehre kitni shaklein phir bhi tanhaai vahi
kaun le aayaa mujhe in aainon ke darmiyaan

aune-paune ghazlein bechin nazmon kaa bevpaar kiyaa
dekho ham ne peT ki khaatir kyaa kyaa kaarobaar kiyaa

ek jangal jis mein insaan ko darindon se hai khauf
ek jangal jis mein insaan khud se hi sahmaa huaa

chaandni shab tu jis ko DhunDne aai hai
ye kamra vo shakhs to kab kaa chhoD gayaa

sabhi se jab mohabbat chaahte ho
mohabbat kyon nahin karte sabhi se

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai