zulm par zulm aa gae ghaalib — Manzar Lakhnavi

dard ho dil mein to davaa kiije
aur jo dil hi na ho to kyaa kiije

jamaa ham karte gae chun chun ke tinke baagh mein
aur na jaane kis kaa kis kaa aashiyaan bantaa gayaa

ab itnaa aql se begaana ho gayaa huun main
gulon ke shikve sitaaron se kah rahaa huun main

tafriq husn-o-ishq ke andaaz mein na ho
lafzon mein farq ho magar aavaaz mein na ho

bahki bahki nigah-e-naaz khudaa khair kare
husn mein ishq ke andaaz khudaa khair kare

muddaton baa'd kabhi ai nazar aane vaale
iid kaa chaand na dekhaa tiri surat dekhi