mazkur jabki tere tabassum kaa aa paDaa — Maroof Dehlvi

dard-e-sar mein hai kise sandal lagaane kaa dimaagh
us kaa ghisnaa aur lagaanaa dard-e-sar ye bhi to hai

havaa ke ghoDe pe jab vo savaar hote hain
to paa ke vaqt main kyaa kyaa maze uDaataa huun

teri aankhon ke tasavvur mein hai sair-e-kaunain
varna ham log idhar ke idhar ho ke rahte

kaaba-o-dair ko apnaa to yahin se hai salaam
dar-ba-dar kaun phire yaar ke dar ke hote

ghaflat mein javaani gai piiri mein huaa hosh
kyuun kar na khule aankh sahar hi to hai aakhir

main ne aahein bharin to ruk ke kahaa
ghar mein dhuni si kyaa lagaa di hai

main baDaa ho gayaa huun magar bachpanaa
mere dil se kabhi bhi gayaa hi nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

'saif' andaaz-e-bayaan rang badal detaa hai
varna duniyaa mein koi baat nai baat nahin

koi kyuun kisi kaa lubhaae dil koi kyaa kisi se lagaae dil
vo jo bechte the davaa-e-dil vo dukaan apni baDhaa gae

dil ko dil se raah hai to jis tarah se ham tujhe
yaad karte hain kare yuun hi hamein bhi yaad tu

ghazab hai ki dil mein to rakkho kudurat
karo munh pe ham se safaai ki baatein