aise khoe sahar ke divaane — Matin Niazi

tufaan se bach ke Duubi hai kashti kahaan na puchh
saahil bhi e'tibaar ke qaabil nahin rahaa

gham-e-insaan ko siine se lagaa lo
ye khidmat bandagi se kam nahin hai

yahi aaina hai vo aaina jo liye hai jalva-e-aagahi
ye jo shaaeri kaa shuur hai ye payambari ki talaash hai

gham-e-maaal gham-e-zindagi gham-e-dauraan
hamaare ishq kaa charchaa kahaan kahaan na rahaa

ham to aashufta-sari se na sanvarne paae
aap se kyuun na sanvaaraa gayaa gesu apnaa

agar duniyaa tujhe divaana kahti hai to kahne de
vafaadaaraan-e-ulfat par yahi ilzaam aataa hai

kaTti hai shab visaal ki palkein jhapakte hi
jis ki subh na ho kabhi vo raat bhi to ho

bazm se duur vo gaataa rahaa tanhaa tanhaa
so gayaa saaz pe sar rakh ke sahar se pahle

shab-e-intizaar ki kashmakash mein na puchh kaise sahar hui
kabhi ik charaagh jalaa diyaa kabhi ik charaagh bujhaa diyaa

main shauq-e-vasl mein kyaa rail par shitaab aayaa
ki subh hind mein thaa shaam panj-aab aayaa

aakhir huaa hai hashr bapaa intizaar mein
subh-e-shab-e-firaaq hui maarvaaD mein

ghaflat mein javaani gai piiri mein huaa hosh
kyuun kar na khule aankh sahar hi to hai aakhir