jab bhi chumaa hai tire honTon ko — Meem Maroof Ashraf

kisi ke yaad karne kaa agar hoti sabab hichki
miraa mahbub ho kar ke pareshaan mar gayaa hotaa

— Meem Maroof Ashraf

sochtaa huun kyaa miraa bantaa khudaa ke saamne
gar na hotaa yaa-rasulullah sahaaraa aap kaa

— Meem Maroof Ashraf

bahut aasaan lafzon mein ye us ne kah diyaa ham se
nahin tum se mohabbat jaao jo karnaa hai so kar lo

— Meem Maroof Ashraf

abhi to aur baDhegi ye tishnagi dil ki
abhi to aur bhi zyaada vo yaad aaeinge

— Meem Maroof Ashraf

use bhi thaa mujhe barbaad karnaa
mujhe bhi ik fasaana chaahiye thaa

— Meem Maroof Ashraf

main tum se duur rah kar kis tarah ye tum ko samjhaaun
ki mujh se duur rah kar kis qadar ho tum akeli

— Meem Maroof Ashraf

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

apni anaa ki aaj bhi taskin ham ne ki
ji bhar ke us ke husn ki tauhin ham ne ki

— Iqbal Sajid

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

ghurur bhi jo karun main to aajizi ho jaae
khudi mein lutf vo aae ki be-khudi ho jaae

— Riyaz Khairabadi

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

jab talak shisha rahaa main baar-haa toDaa gayaa
ban gayaa patthar to sab ne devtaa maanaa mujhe

— Shams Deobandi