ye divaane hain mahv-e-did dilbar — Mirza Zahirddin Azfari

kis zamaane ki ye dushman thi miri
is mohabbat kaa ho munh kaalaa miyaan

oson gai hai pyaas kahin dida-e-namin
bujhtaa hai aansuon se kahaan dil phunkaa huaa

ham gunahgaaron ke kyaa khuun kaa phikaa thaa rang
mehndi kis vaaste haathon pe rachaai pyaare

tere mizhgaan ki kyaa karun taarif
tiir ye be-kamaan jaataa hai

ai musavvir shitaab ho ki abhi
us kaa naqsha dhiyaan mein kuchh hai

'azfari' ghuncha-e-dil band aur aai hai bahaar
sair-e-gul ko ki ye shaayad ba-takalluf khil le

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

abhi armaan kuchh baaqi hain dil mein
mujhe phir aazmaayaa jaa rahaa hai

hans hans ke kah rahaa hai jalaanaa savaab hai
zaalim ye meraa dil hai charaagh-e-haram nahin

donon aankhein dil jigar hain ishq hone mein sharik
ye to sab achchhe raheinge mujh par ilzaam aaegaa

hamesha be-dili ki kijiye kyunkar na dildaari
na honaa paas dil kaa hai nishaani ek dilbar ki