hamesha be-dili ki kijiye kyunkar na dildaari — Rasheed Lakhnavi

buton ke dil mein hamaari kuchh ab hui hai jagah
khudaa ne rahm kiyaa varna mar gae hote

sabhon ki aa gai piiri jo tum javaan hue
zamin kaa dil huaa miTTi kham aasmaan hue

siye jaate hain kafan aap ke divaanon ke
taar daaman ke hain TukDe hain garebaanon ke

kabhi madfun hue the jis jagah par kushta-e-abru
abhi tak is zamin se saikDon khanjar nikalte hain

zindagi kahte hain kis ko maut kis kaa naam hai
mehrbaani aap ki naa-meharbaani aap ki

gae the hazrat-e-zaahid to zard thaa chehra
sharaab-khaane se nikle to surkh-ru nikle

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

jeb ghaaeb hai to nefaa hai baTan ke badle
tum ne patlun kaa paajaama banaa rakhaa hai

gunaahgaaron aur aasiyon ko azaab-e-dozakh se vaaizo tum
Daraao be-shak magar na itnaa ki dil dahal jaae aadmi kaa

hikaayat-e-ishq se bhi dil kaa ilaaj mumkin nahin ki ab bhi
firaaq ki talkhiyaan vahi hain visaal ki aarzu vahi hai

ji mein aataa hai ki duniyaa ko badalnaa chaahiye
aur apne aap se maayus ho jaataa huun main