hans hans ke kah rahaa hai jalaanaa savaab hai — Rasheed Lakhnavi

buton ke dil mein hamaari kuchh ab hui hai jagah
khudaa ne rahm kiyaa varna mar gae hote

sabhon ki aa gai piiri jo tum javaan hue
zamin kaa dil huaa miTTi kham aasmaan hue

siye jaate hain kafan aap ke divaanon ke
taar daaman ke hain TukDe hain garebaanon ke

kabhi madfun hue the jis jagah par kushta-e-abru
abhi tak is zamin se saikDon khanjar nikalte hain

zindagi kahte hain kis ko maut kis kaa naam hai
mehrbaani aap ki naa-meharbaani aap ki

gae the hazrat-e-zaahid to zard thaa chehra
sharaab-khaane se nikle to surkh-ru nikle

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

bichhaD gae to ye dil umr bhar lagegaa nahin
lagegaa lagne lagaa hai magar lagegaa nahin

yuun apne aap ko barbaad kartaa hai koi
ai mere dil tu samajhdaar hai nahin hai kyaa

dil ke taalib nazar aate hain hasin har jaanib
us ke laakhon hain kharidaar ki maal achchhaa hai

tumhaari yaad baDi khush-gavaar thi lekin
dil-e-hazin ke liye talkhiyaan baDhaa bhi gai