marte dam tak sab mujh ko insaan kahein — Mohammad Ali Sahil

meri aankhon mein hue raushan jo ashkon ke charaagh
un ke honTon par tabassum kaa diyaa jaltaa rahaa

duur rahti hain sadaa un se balaaein saahil
apne maan baap ki jo roz duaa lete hain

khaamushi teri miri jaan liye leti hai
apni tasvir se baahar tujhe aanaa hogaa

ham hain tahzib ke alam-bardaar
ham ko urdu zabaan aati hai

masale to zindagi mein roz aate hain magar
zindagi ke masalon kaa hal nikalnaa chaahiye

meri nindein haraam kyaa hongi
ghar mein rizq-e-halaal aataa hai