masale to zindagi mein roz aate hain magar — Mohammad Ali Sahil

meri aankhon mein hue raushan jo ashkon ke charaagh
un ke honTon par tabassum kaa diyaa jaltaa rahaa

duur rahti hain sadaa un se balaaein saahil
apne maan baap ki jo roz duaa lete hain

khaamushi teri miri jaan liye leti hai
apni tasvir se baahar tujhe aanaa hogaa

ham hain tahzib ke alam-bardaar
ham ko urdu zabaan aati hai

marte dam tak sab mujh ko insaan kahein
aisaa hi kirdaar miraa ho yaa-allaah

meri nindein haraam kyaa hongi
ghar mein rizq-e-halaal aataa hai

kam-umri mein sunet hain
mar jaate hain achchhe log

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

intizaar aur dastakon ke darmiyaan kaTti hai umr
itni aasaani se to baab-e-hunar khultaa nahin