duur rahti hain sadaa un se balaaein saahil — Mohammad Ali Sahil

meri aankhon mein hue raushan jo ashkon ke charaagh
un ke honTon par tabassum kaa diyaa jaltaa rahaa

khaamushi teri miri jaan liye leti hai
apni tasvir se baahar tujhe aanaa hogaa

ham hain tahzib ke alam-bardaar
ham ko urdu zabaan aati hai

masale to zindagi mein roz aate hain magar
zindagi ke masalon kaa hal nikalnaa chaahiye

marte dam tak sab mujh ko insaan kahein
aisaa hi kirdaar miraa ho yaa-allaah

meri nindein haraam kyaa hongi
ghar mein rizq-e-halaal aataa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ye chaadar ek alaamat bani hui thi yahaan
dar-asl gham kaa libaada bahut zaruri thaa

jaa ke main ku-e-butaan mein ye sadaa detaa huun
dil o diin bechne aayaa hai musalmaan koi

main thaa sadiyon ke safar mein 'ahmad'
aur sadiyon kaa safar thaa mujh mein