mujh ko jab ahd-e-vafaa yaad aayaa — Mohammad Husain Taib Dehlvi

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

guzarte patton ki chaap hogi tumhaare sehan-e-anaa ke andar
fasurda yaadon ki baarishein bhi mujhe bhulaane ke baad hongi

yaad aai hai to phir TuuT ke yaad aai hai
koi guzri hui manzil koi bhuli hui dost

bhuul jaanaa nahin gunaah use
yaad karnaa use savaab nahin

tum se chhuT kar bhi tumhein bhulnaa aasaan na thaa
tum ko hi yaad kiyaa tum ko bhulaane ke liye