ham apne zaahir o baatin kaa andaaza lagaa lein — Mohsin Asrar

jaise sajde mein qatl ho koi
aisaa hotaa hai chaahaton kaa mazaa

— Mohsin Asrar

jis lafz ko main toD ke khud TuuT gayaa huun
kahtaa bhi to vo us ko gavaaraa nahin hotaa

— Mohsin Asrar

'mohsin' bure dinon mein nayaa dost kaun ho
hai jis kaa pahlaa qarz usi se savaal kar

— Mohsin Asrar

vo majburi maut hai jis mein kaase ko buniyaad mile
pyaas ki shiddat jab baDhti hai Dar lagtaa hai paani se

— Mohsin Asrar

havaa charaagh bujhaane lagi to ham ne bhi
diye ki lau ki jagah teraa intizaar rakhaa

— Mohsin Asrar

khud ko main bhalaa zer-e-zamin kaise dabaataa
jitne bhi khanDar nikle vo aabaad se nikle

— Mohsin Asrar

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli