havaa charaagh bujhaane lagi to ham ne bhi — Mohsin Asrar

jaise sajde mein qatl ho koi
aisaa hotaa hai chaahaton kaa mazaa

— Mohsin Asrar

jis lafz ko main toD ke khud TuuT gayaa huun
kahtaa bhi to vo us ko gavaaraa nahin hotaa

— Mohsin Asrar

'mohsin' bure dinon mein nayaa dost kaun ho
hai jis kaa pahlaa qarz usi se savaal kar

— Mohsin Asrar

vo majburi maut hai jis mein kaase ko buniyaad mile
pyaas ki shiddat jab baDhti hai Dar lagtaa hai paani se

— Mohsin Asrar

ham apne zaahir o baatin kaa andaaza lagaa lein
phir us ke saamne jaane ki tayyaari kareinge

— Mohsin Asrar

khud ko main bhalaa zer-e-zamin kaise dabaataa
jitne bhi khanDar nikle vo aabaad se nikle

— Mohsin Asrar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

— Alam Khursheed

phir baiThe baiThe vaada-e-vasl us ne kar liyaa
phir uTh khaDaa huaa vahi rog intizaar kaa

— Ameer Minai

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

mujh ko lagtaa hai ghaDi jis ne banaai hogi
intizaar us ko bhi shiddat se kisi kaa hogaa

— Sabir Aafaque