khud ko main bhalaa zer-e-zamin kaise dabaataa — Mohsin Asrar

jis lafz ko main toD ke khud TuuT gayaa huun
kahtaa bhi to vo us ko gavaaraa nahin hotaa

'mohsin' bure dinon mein nayaa dost kaun ho
hai jis kaa pahlaa qarz usi se savaal kar

vo majburi maut hai jis mein kaase ko buniyaad mile
pyaas ki shiddat jab baDhti hai Dar lagtaa hai paani se

ham apne zaahir o baatin kaa andaaza lagaa lein
phir us ke saamne jaane ki tayyaari kareinge

havaa charaagh bujhaane lagi to ham ne bhi
diye ki lau ki jagah teraa intizaar rakhaa

jaise sajde mein qatl ho koi
aisaa hotaa hai chaahaton kaa mazaa

safar mein ab musalsal zalzale hain
vo ruk jaaein jinhein girne kaa Dar hai

commission par commission khaa rahe hain desh ke leader
vo bandar-baanT sarkaari jo pahle thi so ab bhi hai

rozi-rasaan khudaa hai fikr-e-maaash mat kar
is khaar kaa tu dil mein khauf-e-kharaash mat kar

ik khauf-e-dushmani jo taaaqub mein sab ke hai
ik harf-e-lutf jo kahin ghaaeb hai shahr mein

ham aur chaah ghair ki allaah se Daro
milte hain tum se bhi to tumhaari khushi se ham

vo buton ne Daale hain vasvase ki dilon se khauf-e-khudaa gayaa
vo paDi hain roz qayaamatein ki khayaal-e-roz-e-jazaa gayaa