'mohsin' bure dinon mein nayaa dost kaun ho — Mohsin Asrar

jaise sajde mein qatl ho koi
aisaa hotaa hai chaahaton kaa mazaa

jis lafz ko main toD ke khud TuuT gayaa huun
kahtaa bhi to vo us ko gavaaraa nahin hotaa

vo majburi maut hai jis mein kaase ko buniyaad mile
pyaas ki shiddat jab baDhti hai Dar lagtaa hai paani se

ham apne zaahir o baatin kaa andaaza lagaa lein
phir us ke saamne jaane ki tayyaari kareinge

havaa charaagh bujhaane lagi to ham ne bhi
diye ki lau ki jagah teraa intizaar rakhaa

khud ko main bhalaa zer-e-zamin kaise dabaataa
jitne bhi khanDar nikle vo aabaad se nikle

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

jab ki pahlu se yaar uThtaa hai
dard be-ikhtiyaar uThtaa hai

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

yaad aai hai to phir TuuT ke yaad aai hai
koi guzri hui manzil koi bhuli hui dost

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin